സോഷ്യൽ മീഡിയയിൽ മറ്റ് താരങ്ങളെ പോലെ തന്നെ സജീവമായ നടനാണ് അജു വർഗീസ്. എന്നും നർമ്മത്തോട് ചേർത്ത് നിർത്തിയാണ് അജുവിനെ ആരാധകർ ഓർക്കാറുള്ളത്. തന്റെ സംസാരത്തിലും പെരുമാറ്റത്തിലും എഴുത്തിലുമെല്ലാം കുസൃതി നിറച്ചാണ് താരം പ്രേക്ഷകർക്ക് മുമ്പിലെത്താറുള്ളത്. അത് ഇൻസ്റ്റഗ്രാമിലും മറ്റും പങ്കുവയ്ക്കുന്ന ചിത്രങ്ങളിലും പ്രകടമാണ്. വിനീത് ശ്രീനിവാസൻ സംവിധാനം ചെയ്ത മലർവാടി ആർട്സ് ക്ലബ് എന്ന ചിത്രത്തിലൂടെയാണ് അജുവിൻ്റെ സിനിമയിലേക്കുള്ള ചുവട് വെയ്പ്പ്.
നിവിൻ പോളിയുടെയും ആദ്യ ചിത്രമായിരുന്നു ഇത്. ഇപ്പോൾ മലയാള സിനിമയിലെ ഹിറ്റ് ജോഡികളാണ് അജു വർഗീസും നിവിൻ പോളിയും.ഇപ്പോഴിതാ കുടുംബത്തോടൊപ്പമുള്ള അജു വർഗീസിന്റെ ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ വൈറൽ ആകുന്നത്. അജുവിനും ഭാര്യ അഗസ്റ്റീനയ്ക്കും നാലു മക്കളാണ്. ഇരട്ടകളായ ഇവാനും ജുവാനയും ലുക്കും ജെയ്ക്കും.നടനും സംവിധായകനും ഗായകനുമായ വിനീത് ശ്രീനിവാസന്റെ മകൻ വിഹാനും പുതിയ ചിത്രത്തില്‍ അജുവിന്റെ കുടുംബത്തിനൊപ്പമുണ്ട്.
നിർമാതാവ് വിശാഖ് സുബ്രഹ്മണ്യത്തിന്റെ വിവാഹത്തിൽ പങ്കെടുത്തപ്പോൾ പകർ‌ത്തിയ ചിത്രമാണ് ഇത്.താരങ്ങൾ എല്ലാം കുടുംബ സമേതം പങ്കെടുത്ത വിവാഹമായിരുന്നു വൈശാഖിന്റെ.വിവാഹത്തിന്റെ ചിത്രങ്ങളും വിഡിയോയും സോഷ്യൽ മീഡിയയിൽ വൈറലായിരുന്നു.
