ആദ്യം കുപ്പി പൊട്ടിക്കണോ അതോ കേക്ക് മുറിക്കണോ എന്ന ആശയകുഴപ്പത്തിലാണ് കാഞ്ഞിരപ്പള്ളിക്കാരൻ അച്ചായൻ. തന്റെ എഴുപതാമത് ബർത്ത് ഡേ കേക്ക് മുറിച്ചത് ഒരു കിടിലൻ തീമിൽ. കേക്ക് കണ്ടാൽ അതിശയിക്കും.അത്രത്തോളം പെർഫെക്ഷനോടെയാണ് ചെയ്തിരിക്കുന്നത്.ബക്കറ്റിൽ ഐസിട്ട് മ
ദ്യക്കുപ്പികളെല്ലാം നിരത്തിവച്ചിരിക്കുന്ന മാതൃകയിലാണ് ചെയ്തിരിക്കുന്നത്.കാഞ്ഞിരപ്പള്ളി സ്വദേശി കെ. സി. മാത്യു മുക്കാടന് വ്യത്യസ്തമായ ഈ കേക്ക് സമ്മാനിച്ചത് മകൾ അന്ന ഓസ്റ്റിനാണ്.
മാത്യുവിന്റെ നാലു പെൺമക്കളും അവരുടെ മക്കളും ചേർന്ന് സ്‌പെഷൽ കേക്ക് മുറിച്ച് പിറന്നാൾ ആഘോഷം ഗംഭീരമാക്കി. കൊച്ചിയിൽ പ്രഫഷനൽ ബേക്കറാണ് അന്ന. ‘കേക്ക് കാൻവാസ് ഹാപ്പിനസ് ഇൻ എ ബോക്സ്’ എന്ന ഡിസൈനർ കേക്ക് സംരംഭത്തിലൂടെ വ്യത്യസ്തമായ നിരവധി കേക്കുകൾ അന്ന ചെയ്തിട്ടുണ്ട്. മുൻപ് ഉണ്ടാക്കിയ ബാഹുബലി കേക്ക് അന്ന ഉണ്ടാക്കിയിട്ടുണ്ടായിരുന്നു. അതെല്ലാം തന്നെ ആളുകൾ ഏറെ ഏറ്റെടുത്ത ഒന്നായിരുന്നു.
