കമല്ഹാസനെ നായകനാക്കി ലോകേഷ് കനകരാജ് സംവിധാനം ചെയ്ത ചിത്രമാണ് വിക്രം.റിലീസ് ചെയ്ത് രണ്ട് ദിവസം കൊണ്ട് ചിത്രം നൂറ് കോടി ക്ലബ്ബില് ഇടം നേടിയെന്നുള്ള റിപ്പോര്ട്ടുകളാണ് പുറത്തുവന്നത്. ആഗോളതലത്തിലാണ് ചിത്രം ഈ നേട്ടം കൈവരിച്ചിരിക്കുന്നത്.ഫിലിം ട്രാക്കര് രമേഷ് ബാലയാണ് ഈ വിവരം ട്വിറ്ററിലൂടെ അറിയിച്ചത്. ആദ്യ ദിനം ചിത്രം നേടിയത് 34 കോടി രൂപയാണ്. കേരളത്തില് നിന്ന് മാത്രം ചിത്രം അഞ്ച് കോടിയിലേറെയാണ് നേടിയത്.
ഇപ്പോഴിതാ വിക്രമിനെ പ്രശംസിച്ച് സംവിധായകന് പ്രശാന്ത് നീല്.കമല് ഹാസന്, വിജയ് സേതുപതി, ഫഹദ് ഫാസില് എന്നിവരെ ഒരുമിച്ച് കാണാന് സാധിക്കുക എന്നത് ഒരു വിരുന്ന് പോലെയാണ് എന്ന് പ്രശാന്ത് നീൽ ട്വീറ്റ് ചെയ്തു. സൂര്യയുടെ റോളക്സ് എന്ന കഥാപാത്രം ഇപ്പോഴും മനസ്സില് നിന്ന് പോകുന്നില്ല എന്നും പ്രശാന്ത് നീൽ ട്വീറ്റ് ചെയ്തു. അനിരുദ്ധിന്റെ പശ്ചാത്തല സംഗീതത്തെയും അന്പറിവിന്റെ ആക്ഷന് കൊറിയോഗ്രഫിയെയും നീല് ട്വീറ്റില് പ്രശംസിക്കുന്നുണ്ട്.
Congratulations to the entire team of #Vikram. Watching @ikamalhaasan sir, @VijaySethuOffl and #FahadhFaasil together was a feast. Always a big admirer of your work @Dir_Lokesh.
— Prashanth Neel (@prashanth_neel) July 11, 2022
Your a rockstar @anirudhofficial.
Very proud of our masters @anbariv, wishing you both more success! https://t.co/dADow8CD0Y
രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസനും ആര് മഹേന്ദ്രനും ചേര്ന്നാണ് വിക്രത്തിന്റെ നിര്മ്മാണം.എക്സിക്യൂട്ടീവ് പ്രൊഡ്യൂസർ എസ്സ് ഡിസ്നി. കേരളത്തിൽ ഷിബു തമീൻസിന്റെ നേതൃത്വത്തിൽ റിയാ ഷിബുവിന്റെ എച്ച് ആർ പിക്ചേഴ്സ് ആണ് ചിത്രം വിതരണത്തിന് എത്തിക്കുന്നത്. ലോകേഷിനൊപ്പം രത്നകുമാറും ചേര്ന്നാണ് ചിത്രത്തിന്റെ സംഭാഷണങ്ങള് രചിച്ചിരിക്കുന്നത്. ഗിരീഷ് ഗംഗാധരൻ ആണ് ചിത്രത്തിന്റെ ഛായാഗ്രാഹകൻ. സംഗീതം അനിരുദ്ധ് രവിചന്ദര്. എഡിറ്റിംഗ് ഫിലോമിന് രാജ്.
സംഘട്ടന സംവിധാനം അന്പറിവ്. കലാസംവിധാനം എന് സതീഷ് കുമാര്, വസ്ത്രാലങ്കാരം പല്ലവി സിംഗ്, വി സായ്, കവിത ജെ, മേക്കപ്പ് ശശി കുമാര്, നൃത്തസംവിധാനം സാന്ഡി. ശബ്ദ സങ്കലനം കണ്ണന് ഗണ്പത്. പബ്ലിസിറ്റി ഡിസൈനര് ഗോപി പ്രസന്ന, സൗണ്ട് ഡിസൈനിംഗ് സിങ്ക് സിനിമ, വിഎഫ്എക്സ് യൂണിഫൈ മീഡിയ, പ്രൊഡക്ഷന് കണ്ട്രോളര് എം സെന്തില്, അസോസിയേറ്റ് ഡയറക്ടേഴ്സ് മഗേഷ് ബാലസുബ്രഹ്മണ്യം, സന്തോഷ് കൃഷ്ണന്, സത്യ, വെങ്കി, വിഷ്ണു ഇടവന്, മദ്രാസ് ലോഗി വിഘ്നേഷ്, മേക്കിംഗ് വീഡിയോ എഡിറ്റ് പി ശരത്ത് കുമാര്, പി ആർ ഓ പ്രതീഷ് ശേഖർ.