സനുഷയുടെ ക്രിസ്തുമസ് മേക്കോവര്‍ ഏറ്റെടുത്ത് ആരാധകര്‍ ; ചിത്രം പങ്കുവെച്ച് താരം .

ബാലതാരമായി സിനിമയില്‍ തുടക്കം കുറിച്ച നടിയാണ് സനുഷ സന്തോഷ്.ചെറുപ്പത്തിൽ അഭിനയിച്ച സിനിമകളിൽ കൂടി തന്നെ നിരവധി ആരാധകരെ സ്വന്തമാക്കി.കല്ലു കൊണ്ടൊരു പെണ്ണ് എന്ന ചിത്രമാണ് സനുഷയുടെ ആദ്യ സിനിമ. പിന്നീട് ദാദ സാഹിബ്, രാവണപ്രഭു തുടങ്ങിയ ചിത്രങ്ങളിലൂടെ സനുഷ സജീവമായി. 2004ൽ മമ്മൂട്ടി നായകനായ കാഴ്ച എന്ന ചിത്രത്തിലൂടെ മികച്ച ബാലതാരത്തിനുള്ള സംസ്ഥാന അവാർഡും സനുഷ സ്വന്തമാക്കി.

ദിലീപിന്റെ നായികയായി മിസ്റ്റർ മരുമകൻ എന്ന സിനിമയിൽ എത്തിയ സനുഷ സക്കറിയയുടെ ഗർഭിണികൾ എന്ന ചിത്രത്തിൽ ശ്രദ്ധേയമായ പ്രകടനം കാഴ്ചവച്ചിരുന്നു. സോഷ്യല്‍ മീഡിയയില്‍ സജീവമായ സനുഷ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. കുറച്ചുകാലം സിനിമയില്‍ നിന്നും ഇടവേളയെടുത്തെങ്കിലും ഇപ്പോൾ വീണ്ടും മലയാള സിനിമയിലേയ്ക്ക് തിരിച്ചു വരാന്‍ ഒരുങ്ങുകയാണ് താരം.

ഇപ്പോഴിതാ സോഷ്യൽ മീഡിയയിൽ വൈറലായി മാറിയിരിക്കുന്നത് താരത്തിന്റെ ഏറ്റവും പുതിയ കുറച്ചു ചിത്രങ്ങളാണ്. ചുവപ്പിൽ അതീവ സുന്ദരിയായാണ് താരം വന്നിരിക്കുന്നത്. സ്റ്റാർ മാജിക് പരിപാടിയിലേക്ക് വന്നപ്പോൾ എടുത്ത മനോഹരമായ ചിത്രങ്ങളാണ് താരം ആരാധകരുമായി പങ്കുവെച്ചിരിക്കുന്നത്. ക്രിസ്മസ് തീമിലാണ് താരം സ്റ്റാർമാജിക്കിൽ തിളങ്ങിയിരിക്കുന്നത്. നിരവധി പേരാണ് താരത്തിന് ക്രിസ്മസ് ആശംസകൾ നേർന്ന് ചിത്രത്തിന് താഴെ കമെന്റുകളുമായി വന്നിരിക്കുന്നത്.

ചുവപ്പിൽ താരം കൂടുതൽ സുന്ദരിയായിരിക്കുന്നു എന്നാണ് ആരാധകർ പറയുന്നത്. ജിനിഷ് ഫോട്ടോജനിക്ക് ആണ് താരത്തിന്റെ മനഹോരമായ ചിത്രങ്ങൾ ക്യാമറയിലൂടെ പകർത്തിയിരിക്കുന്നത്. ജിത്തു ആണ് താരത്തെ അതീവ സുന്ദരിയാക്കിയ മേക്കപ്പ് ആർട്ടിസ്റ്റ്.

Scroll to Top