ഓസ്ട്രേലിയന് ക്രിക്കറ്റ് ഇതിഹാസം ഷെയ്ന് വോണ് അ ന്തരിച്ചു. ഹൃദയാഘാതത്തെ തുടര്ന്ന് തായ് ലന്ഡിലെ വീട്ടിലായിരുന്നു അ ന്ത്യം. 52 വയസ്സായിരുന്നു.വീട്ടില് അബോധാവസ്ഥയില് കണ്ടെത്തുകയായിരുന്നു.ലോകത്തെ ഏറ്റവും മികച്ച സ്പിന് ബൗളര്മാരില് ഒരാളാണ് വോണ്. ടെസ്റ്റ് ക്രിക്കറ്റില് ഏറ്റവും കൂടുതല് വിക്കറ്റുകള് നേടിയ രണ്ടാമത്തെ താരമാണ്. ആദ്യ ഐപിഎല്ലില് കിരീടം നേടിയ രാജസ്ഥാന് റോയല്സ് ക്യാപ്റ്റനായിരുന്നു.145 ടെസ്റ്റുകളില്നിന്ന് 708 വിക്കറ്റുകള് നേടി.194 ഏകദിനങ്ങളില്നിന്ന് 293 വിക്കറ്റുകളും നേടി.
1993 ജൂണ് നാല്, ഓസ്ട്രേലിയ – ഇംഗ്ലണ്ട് ആഷസ് പരമ്പര. ഷെയ്ന് വോണ് അന്നുവരെ ക്രിക്കറ്റ് ലോകത്തിന് വെറുമൊരു ലെഗ് സ്പിന്നര് മാത്രമായിരുന്നു. എന്നാല് 1993-ലെ ആഷസ് പരമ്പരയിലെ മാഞ്ചെസ്റ്റര് ടെസ്റ്റിന്റെ രണ്ടാം ദിനമായ ജൂണ് നാലിന് ക്രിക്കറ്റ്പ്രേമികള് സാക്ഷാല് ഷെയ്ന് വോണെന്ന മാന്ത്രികന്റെ വിരലുകളില് വിരിഞ്ഞ വിസ്മയത്തിന് സാക്ഷിയായി. ക്രിക്കറ്റ് ലോകം നൂറ്റാണ്ടിന്റെ പന്തെന്ന് വിശേഷിപ്പിച്ച വോണിന്റെ ആ മാജിക്ക് പിറന്നിട്ട് 27 വര്ഷം തികഞ്ഞു.വോണിന്റെ കൈവിരലുകളില് നിന്ന് പിറവിയെടുത്ത ഒരു പന്ത് സ്പിന്നിനെതിരേ മികച്ച റെക്കോഡുള്ള ഇംഗ്ലീഷ് താരം മൈക്ക് ഗാറ്റിങ്ങിന്റെ ഓഫ് സ്റ്റമ്പ് പിഴുതപ്പോള് ഗാറ്റിങ്ങിനൊപ്പം ക്രിക്കറ്റ് ലോകവും അദ്ഭുതംകൂറി. ഒരു സാധാരണ ലെഗ് സ്പിന്നറായി ഒതുങ്ങിപ്പോകേണ്ട വോണിന്റെ കരിയര് തന്നെ മാറിമറിഞ്ഞത് ആ പന്തിലായിരുന്നു.