വെർജിൻ എന്ന പാൻ ഇന്ത്യൻ ഹൊ റർ ചിത്രവുമായി പ്രവീൺ രാജ് പൂക്കാടൻ.

വെള്ളേപ്പം എന്ന ചിത്രത്തിനുശേഷം പ്രവീൺ രാജ് പൂക്കാടൻ സംവിധാനം ചെയ്യുന്ന ബഹുഭാഷ ചിത്രമാണ് വെർജിൻ.കിട്ടുണ്ണി സർക്കസ് ഇന്റർനാഷണലിന്റെ ബാനറിൽ പ്രവീൺ രാജ് പൂക്കാടൻ സംവിധാനം ചെയ്യുന്ന ഈ റൊമാന്റിക് ഹൊ റർ ചിത്രം മലയാളം, തമിഴ്,തെലുങ്ക്, ഹിന്ദി,ഇംഗ്ലീഷ്,ചൈനീസ് എന്നീ ഭാഷകളിലെ പ്രേക്ഷകരെ ലക്ഷ്യമിട്ടാണ് ചിത്രീകരിക്കുന്നത്. ബ്ലാക്ക് മാജിക് URSA 12K ക്യാമറയും, വാൾപേപ്പർ എൽ.ഇ. ഡി ലൈറ്റിങ് ടെക്നോളജിയും ഉപയോഗിച്ച് ചിത്രീകരിക്കുന്ന, ആദ്യ ഇന്ത്യൻ സിനിമ എന്ന പ്രത്യേകതകൂടി ഈ ചിത്രത്തിനുണ്ട്.ഇതിലെ വിസ്മയകരമായ VFX സീക്വൻസുകൾ ചെയ്യുന്നത്.ചൈനയിലെ പ്രശസ്തമായ VFX ഡിസൈനിങ് ക്കമ്പനിയായ ബ്ലൂ ഫോക്സ് ഡിസൈൻസ് ആണ്.ബ്ലൂ ഫോക്സ് ഡിസൈൻസ് തന്നെയാണ് ഈ ചിത്രം ചൈനയിൽ പ്രദർശനത്തിനെത്തിക്കുന്നതു.ഒരു ഹൊറർ സിനിമയ്ക്ക് ആവശ്യമായ ഇ എൻ ജി(Electronic News Gathering) സാങ്കേതികവിദ്യ ചിത്രീകരണത്തിന് ഉടനീളം ഉപയോഗിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

ഹാൻഡ് ഹെൽഡ് ടെക്നിക്സ് പരമാവധി പ്രയോജനപ്പെടുത്തുന്ന ചിത്രമായതിനാൽ Jimmy Jib, Gimbal, Steadicam, Crane, എന്നിവ പൂർണമായും ഒഴിവാക്കുകയും, എന്നാൽ അവ ആവശ്യമുള്ള ഷോട്ടുകൾ ക്കായി ലേറ്റസ്റ്റ് FPV ഡ്രോണുകൾ ഉപയോഗിക്കുകയും ചെയ്യുന്നു.ചിത്രീകരണ സമയത്ത് ഷോട്ടുകളുടെ സ്റ്റെബിലൈസേഷൻ ഡിജിറ്റലി സ്റ്റെബിലൈസ് ചെയ്യുന്ന ക്യാമറകൾ ഉപയോഗിക്കുന്നതിനൊപ്പം പോസ്റ്റ് പ്രൊഡക്ഷൻ സമയത്ത് വാർപ് സ്റ്റെബിലൈസേഷൻ ടെക്കനിക്ക്സും പ്രയോജനപ്പെടുത്തുന്നുണ്ട് ഈ ചിത്രത്തിൽ.അഭിനയ കളരിയിലൂടെ പ്രാവീണ്യം തെളിയിച്ച, നവാഗതരായ അനവധി അഭിനയ പ്രതിഭകളും, പ്രധാന കഥാപാത്രങ്ങളായി ചിത്രത്തിൽ ഉണ്ടാവും. മോഹൻ പുതുശ്ശേരി ഛായാഗ്രഹണവും, മനുകൃഷ്ണ സംഗീത സംവിധാനവും, രതീഷ് കൃഷ്ണൻ കസ്റ്റിങ് & ആക്ടിങ് കൊറിയോഗ്രാഫിയും നിർവഹിക്കുന്ന വെർജിൻ്റെ പബ്ലിസിറ്റി ഡിസൈനർ റാണാപ്രതാപും, പി. ആർ. ഒ മഞ്ജു ഗോപിനാഥും ആണ്.

Scroll to Top