ഈ പറക്കും തളിക എന്ന ചിത്രത്തിലൂടെ മലയാള സിനിമയിലേക്ക് എത്തിയ താരമാണ് നിത്യ ദാസ്. നരിമാന്‍, കുഞ്ഞിക്കൂനന്‍, ബാലേട്ടന്‍, സൂര്യ കിരീടം തുടങ്ങി നിരവധി ഹിറ്റ് സിനിമകളുടെ ഭാഗമായിട്ടുണ്ട്. പൊന്‍ മേഖലൈ, മാനത്തോടു മഴൈകാലം എന്നീ തമിഴ് ചിത്രങ്ങളിലും അഭിനയിച്ചിട്ടുണ്ട്. 2007 ല്‍ പുറത്തിറങ്ങിയ ‘സൂര്യകിരീട’മാണ് അവസാനം അഭിനയിച്ച സിനിമ.വിവാഹത്തോടെ സിനിമയില്‍ നിന്നും വിട്ടു നില്‍ക്കുകയാണെങ്കിലും സീരിയലുകളിലും ടെലിവിഷന്‍ പരിപാടികളിലും സജീവമാണ് നിത്യ ദാസ്.
അമ്മയെ പോലെ തന്നെയാണ് മകൾ നൈന ജംവാലും. ഇൻസ്‌റ്റഗ്രാം ഉൾപ്പെടെയുള്ള സമൂഹമാധ്യമങ്ങളിലും സജീവതാരമാണ് താരം. മകൾ നൈനയ്ക്ക് ഒപ്പമുള്ള വീഡിയോകൾ താരം സാമൂഹ്യമാധ്യമങ്ങളിൽ പങ്കുവെയ്ക്കാറുണ്ട്. മകൾക്കൊപ്പമുള്ള മിക്ക വീഡിയോകളും വൈറലാകാറുണ്ട്.
ഇപ്പോൾ ഇതാ മകൾക്കൊപ്പം മണാലിയിലെ മഞ്ഞ് ആസ്വദിക്കുകയാണ് താരം. സോഷ്യൽ മീഡിയയിൽ പങ്കുവെച്ച വീഡിയോയിലൂടെ താരം തന്നെയാണ് ഇക്കാര്യം അറിയിച്ചത്. ഒരു കൊച്ചു കുട്ടിയെ പോലെ മഞ്ഞിൽ കുളിക്കുന്ന നൈനയെ വീഡിയോയിൽ കാണാൻ സാധിക്കും. പതിനഞ്ചു വർഷങ്ങൾക്ക് ശേഷമാണ് നിത്യ വീണ്ടും സിനിമയിൽ അഭിനയിക്കാൻ പോകുന്നു എന്ന വാർത്തകൾ പുറത്തു വന്നതിനു പിന്നാലെയാണ് മകൾക്കൊപ്പം നിത്യ ദാസ് മണാലിയിൽ എത്തിയിരിക്കുന്നത്.