കേരളത്തിലെ മികച്ച അവതാരകമാരില് ഒരാളാണ് നൈല ഉഷ. മോഡലായും റേഡിയോ ജോക്കിയായും പ്രവര്ത്തിച്ചിരുന്ന നൈല വളരെ വേഗം പ്രേക്ഷക മനസിലേക്കെത്തിയിരുന്നു. മമ്മൂട്ടിയുടെ നായികയായി സിനിമയിലേക്കെത്തിയ നൈലയുടെ അരങ്ങേറ്റ സിനിമ കുഞ്ഞനന്തന്റെ കട എന്ന ചിത്രമായിരുന്നു. 2013 ല് പുറത്തിറങ്ങിയ കുഞ്ഞനന്തന്റെ കടയ്ക്ക് ശേഷം ജയസൂര്യയുടെ നായികയായി പുണ്യാളന് അഗര്ബത്തീസിലും നൈല അഭിനയിച്ചിരുന്നു. പിന്നാലെ ഗ്യാങ്സ്റ്റര്, ഫയല്മാന്, പത്തേമാരി, പ്രേതം, എന്നിങ്ങനെ പല സിനിമകളിലും നൈല അഭിനയിച്ചിരുന്നു.നൈല വർഷങ്ങളായി യുഎഇയില് സ്ഥിരതാമസമാണ്.
യുഎഇയിലെ ഏറ്റവും വലിയ മീഡിയയായ എ.ആര്.എൻ കമ്പനിക്ക് കീഴിലെ എഫ്എമ്മില് റേഡിയോ ജോക്കിയായി ജോലി ചെയ്യുകയാണ് താരം.കഴിഞ്ഞ ദിവസം താരം തനിക്ക് ഗോൾഡൻ വിസ ലഭിച്ച വിവരം അറിയിച്ചിരുന്നു.അദ്ഭുതകരമായ രാജ്യത്ത് നിന്നും ഗോള്ഡന് വിസ ലഭിച്ചതിലൂടെ താന് ആദരിക്കപ്പെട്ടതായി നൈല ഉഷ പ്രതികരിച്ചിരുന്നു.കൂടാതെ മലയാളി നടിമാരിൽ ആദ്യം ഗോൾഡൻ വിസ കിട്ടുന്ന താരം എന്ന പദവിയും നൈലയ്ക്ക് സ്വന്തം.ഇപ്പോഴിതാ സോഷ്യൽ മീഡിയയിൽ വൈറലാകുന്നത് താരം തന്റെ ഇൻസ്റ്റാഗ്രാമിൽ പങ്കുവെച്ച വീഡിയോ ആണ്. സുഹൃത്തിനൊപ്പമുള്ള ഡാൻസ് വീഡിയോ ആണ് പോസ്റ്റ് ചെയ്തിരിക്കുന്നത്. നിരവധി പേരാണ് വീഡിയോയ്ക്ക് ലൈക്കും കമ്മെന്റുമായി എത്തിയത്