മലയാളത്തിന്റെ പ്രിയനടനും സംവിധായകനുമായ പൃഥ്വിരാജ് സുകുമാരന്റെയും സുപ്രിയ മേനോന്റെയും മകളാണ് ആലി എന്ന അലംകൃത. പ്രേക്ഷകർക്കും ഏറെ പ്രിയങ്കരിയാണ് ഈ താരപുത്രി.പൃഥ്വിരാജിന്റെ മകൾ അലംകൃതയോട് താരത്തിനോടെന്ന പോലെ സ്നേഹമാണ് ആരാധകർക്ക്. അല്ലി എന്നാണ് മകളെ പൃഥ്വിയും സുപ്രിയയും വിളിക്കുന്നത്. എന്നാൽ പലപ്പോഴും അല്ലിയുടെ മുഖം വ്യക്തമാക്കാതെയുള്ള ചിത്രങ്ങളാണ് ഇരുവരും ആരാധകരുമായി പങ്കുവെച്ചിരുന്നത്. എന്നാൽ അടുത്തിടെ സുപ്രിയയുടെ പിറന്നാൾ ദിനത്തിൽ അല്ലിയുടെ മുഖം കാണിച്ചുള്ള ചിത്രം പൃഥ്വിരാജ് പോസ്റ്റ് ചെയ്തിരുന്നു.
അലംകൃതയുടെ ജൻമദിനമാണ് ഇന്ന്. മകൾക്ക് ജൻമദിനാശംസകൾ കുറിച്ച് പൃഥ്വിയും സുപ്രിയയും പങ്കുവച്ച കുറിപ്പുകളും ചിത്രവും ശ്രദ്ധേയമാണ്. പിറന്നാളുകളിൽ മാത്രം മകളുടെ മുഖം കാണാവുന്ന പോസ്റ്റിടുന്ന പൃഥ്വിരാജ്, അല്ലിയുടെ ചിത്രം സഹിതമാണ് ജന്മദിനാശംസകൾ നേർന്നിട്ടുള്ളത്. ഒപ്പം പുസ്തകങ്ങളുടെ കൂട്ടുകാരിയായ അലംകൃത മേനോൻ പൃഥ്വിരാജ് എന്ന അല്ലിക്കു അച്ഛന്റെ വക ഒരു പിറന്നാൾ ആശംസാ കുറിപ്പുമുണ്ട്.ഇൻസ്റ്റഗ്രാമിലൂടെയാണ് ചിത്രം പങ്കുവച്ചിരിക്കുന്നത്. നിന്നെക്കുറിച്ച് ഓർത്ത് അഭിമാനിക്കുന്നു എന്നാണ് പൃഥ്വിരാജ് ചിത്രത്തിന് താഴെ ആശംസ നേർന്ന് കുറിച്ചിരിക്കുന്നത്.
ഏഴ് വർഷം മുമ്പ് നീയാൽ ദാദയും മമ്മയും അനുഗ്രഹിക്കപ്പെട്ടത് ഇന്നലെയാണെന്നത് പോലെ തോന്നുന്നു. ഈ കൊച്ചു ശരീരത്തിൽ വലിയ ഹൃദയമുള്ളവൾ അവളുടെ സ്നേഹവും അനുകമ്പയും കൊണ്ട് ഞങ്ങളെ നിലനിർത്തുമെന്നും ഓരോ ദിവസവും അവളുടെ ദയയിലൂടെ നമ്മെ ഓരോന്ന് പഠിപ്പിക്കുകയും ചെയ്യുമെന്ന് ഞങ്ങൾക്കറിയില്ലായിരുന്നു.
നല്ലവരായിരിക്കുകയും നന്മ ചെയ്യുന്നതും ഒരു അപൂർവ ഗുണമായി മാറുന്ന ഈ ലോകത്ത്, ദൈവം അത് നൽകി നിന്നെ സമൃദ്ധമായി അനുഗ്രഹിച്ചു. നിന്നിലെ നന്മ ഓരോ ദിവസവും വളരാൻ ഞങ്ങൾ പ്രാർത്ഥിക്കുന്നു, അത് നിനക്ക് വാർണക്കടലാസുകൾ പറന്നു വീഴുന്നതുപോലെ പടർത്താൻ കഴിയും! നിന്നെ നൽകി ഞങ്ങളെ അനുഗ്രഹിച്ചതിന് സർവ്വശക്തനോട് നന്ദി പറയുന്നു, അല്ലി! ജന്മദിനാശംസകൾ നേരുന്നു പ്രിയേ!” സുപ്രിയ കുറിച്ചു.
ജന്മദിനാശംസകൾ കുഞ്ഞേ! നീയെന്ന കുഞ്ഞ് വ്യക്തിയിൽ മമ്മയും ഡാഡയും വളരെ അഭിമാനിക്കുന്നു! പുസ്തകങ്ങളോടുള്ള നിന്റെ സ്നേഹവും ലോകത്തോടുള്ള അനുകമ്പയും വളരട്ടെ. നീ എല്ലായ്പ്പോഴും ജിജ്ഞാസുവായി തുടരട്ടെ, എല്ലായ്പ്പോഴും വലിയ സ്വപ്നം കാണട്ടെ! ഞങ്ങളുടെ എക്കാലത്തെയും സന്തോഷവും ഞങ്ങളുടെ ഏറ്റവും വലിയ നേട്ടവും നീയാണ്! ഞങ്ങൾ നിന്നെ സ്നേഹിക്കുന്നു…” പൃഥ്വിരാജ് കുറിച്ചു.
