സംവിധായകനും നടനുമായ രാജസേനന് പിന്നാലെ ഭീമൻ രഘുവും CPM ലേയ്ക്ക്.കഴിഞ്ഞ നിയമസഭാ തിരഞ്ഞെടുപ്പില് ബിജെപി സ്ഥാനാര്ത്ഥിയായി മത്സരിച്ച നടന് ഭീമന് രഘു സിപിഎമ്മിലേക്ക്.കുറച്ചുനാളുകള്ക്ക് മുന്പാണ് ബിജെപിയ്ക്ക് വേണ്ടി ഇനി മത്സരിക്കില്ലെന്നും ബിജെപിയുടെ രാഷ്ട്രീയത്തോട് താല്പര്യമില്ലെന്നും ഭീമന് രഘു പറഞ്ഞത്.യുഎസ് സന്ദര്ശനത്തിനു പോയ മുഖ്യമന്ത്രി തിരിച്ചെത്തിയാല് ഉടന് തന്നെ അദ്ദേഹവുമായി കൂടിക്കാഴ്ച്ച നടത്തുമെന്ന് ഭീമന് രഘു പറഞ്ഞു.വലിയ സന്തോഷത്തിലാണെന്നും ഈ മാസം 22 ന് മുഖ്യമന്ത്രി തിരികെ കേരളത്തിൽ എത്തുമെന്നാണ് ഔദ്യോഗിക വൃത്തങ്ങളിൽ നിന്നും അറിഞ്ഞത്. അന്ന് തന്നെ മുഖ്യമന്ത്രിയെ നേരിട്ട് കണ്ട് കാര്യങ്ങൾ ബോധിപ്പിക്കും.
![](https://i.imgur.com/1Wak7Wf.jpg)
മുഖ്യമന്ത്രി വിദേശത്ത് നിന്ന് മടങ്ങിയെത്തിയാല് അദ്ദേഹത്തെ നേരില് കാണാന് തീരുമാനിച്ചിരിക്കുകയാണ്. ബിജെപിയുമായി ഇനി ചേര്ന്ന് പ്രവര്ത്തിക്കാനാകില്ലെന്ന് ഞാന് നേരത്തേ പറഞ്ഞതാണ്. മനസ്സുമടുപ്പിക്കുന്ന ഒരുപാട് അനുഭവങ്ങള് കേരളത്തിലെ ബിജെപി നേതൃത്വത്തില് നിന്നുണ്ടായി. തെരഞ്ഞെടുപ്പ് സമയത്ത് ഒരുപാട് പ്രയാസങ്ങളിലൂടെ കടന്നുപോയി. നമുക്ക് ജനങ്ങളിലേക്കിറങ്ങി പ്രവര്ത്തിക്കാന് അവസരം ലഭിച്ചില്ല. രാഷ്ട്രീയപ്രവര്ത്തനം ഏറെ ഇഷ്ടപ്പെടുന്ന ഒരാളാണ് ഞാന്. അതുകൊണ്ടു തന്നെയാണ് ഞാന് ഈ മേഖലയിലേക്ക് വന്നതും.
![](https://i.imgur.com/IKZv3Ic.jpg)
എന്നാല് ഞാന് പ്രതീക്ഷിച്ചതല്ല ബിജെപിയില് അംഗത്വമെടുത്തതിന് ശേഷം സംഭവിച്ചത്.എനിക്ക് വളരെ ഇഷ്ടമുള്ളയാളാണ് മുഖ്യമന്ത്രി പിണറായി വിജയന്. അദ്ദേഹത്തിന്റെ പ്രവര്ത്തനങ്ങളെ ഞാന് എല്ലായ്പ്പോഴും പ്രശംസിച്ചിട്ടുണ്ട്. കേരളത്തിന് വേണ്ടി ഒരുപാട് നല്ല കാര്യങ്ങളാണ് അദ്ദേഹം ചെയ്തുകൊണ്ടിരിക്കുന്നത്. അതിന്റെ ഭാഗമാകണമെന്ന് എനിക്കാഗ്രഹമുണ്ട്- ഭീമന് രഘു പറഞ്ഞു.നേരത്തെ സംവിധായകന് രാജസേനനും ബിജെപി വിട്ട് സിപിഎമ്മിലേക്ക് എത്തിയിരുന്നു.
![](https://i.imgur.com/zbCRhNR.jpg)