പ്രേക്ഷകരെ കാത്തിരിപ്പിന് അന്ത്യം കുറിച്ച് സി ബി ഐ 5 ദി ബ്രെയിൻ മികച്ച പ്രതികരണം നേടി മുന്നോട്ട് പോകുകയാണ്.വർഷങ്ങൾക്ക് ശേഷം ജഗതി ശ്രീകുമാർ വീണ്ടും ക്യാമറയ്ക്ക് മുന്നിൽ എത്തുന്ന സന്തോഷത്തിലാണ് മലയാള സിനിമാ പ്രേക്ഷകർ.താരനിരയില് രമേഷ് പിഷാരടിയും ദിലീഷ് പോത്തനും ലിജോ പെല്ലിശ്ശേരിയുമുണ്ടെന്നതാണ് പ്രത്യേകത.സായികുമാര്, രഞ്ജിപണിക്കര്, സൗബിന് ഷാഹിര് എന്നിവരും ഉണ്ട്. സേതുരാമയ്യരായി മമ്മൂട്ടി വീണ്ടും എത്തുമ്പോള് അഞ്ച് ഭാഗങ്ങളിലും ഈ സിനിമയോടൊപ്പം സഹകരിച്ച മറ്റു മൂന്നുപേര് സംവിധായകന് കെ. മധുവും തിരക്കഥാകൃത്ത് എസ്.എന്. സ്വാമിയും പ്രൊഡക്ഷന് കണ്ട്രോളര് അരോമ മോഹനുമാണ്.
ഈ അവസരത്തിൽ കെ മധുവിന്റെ വാക്കുകൾ ആണ് വൈറൽ ആകുന്നത്.സിബിഐ അഞ്ചാം ഭാഗത്തിലെ അഭിനേതാക്കള്ക്കും അണിയറ പ്രവര്ത്തകര്ക്കുമായി തിരുവനന്തപുരം പ്രസ് ക്ലബില് നടന്ന സ്വീകരണത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. തിരക്കഥാകൃത്ത് എസ്.എന്. സ്വാമി,അഭിനേതാക്കളായ സായ്കുമാര്, മുകേഷ് എന്നിവരും പരിപാടിയില് പങ്കെടുത്തിരുന്നു.ഇദ്ദേഹത്തിന്റെ വാക്കുകളിലേക്ക്,.മമ്മൂട്ടിയുടെ ഉൾക്കാഴ്ചയാണ് സേതുരാമയ്യർ. അദ്ദേഹം ജീവിക്കുകയാണ് ഈ കഥാപാത്രമായി. സേതുരാമയ്യര് എന്നു പറഞ്ഞാല് അത് മമ്മൂട്ടിയാണ്. മമ്മൂട്ടി എന്നു പറഞ്ഞാല് അത് സേതുരാമയ്യരാണ്. ലോകമെമ്പാടും ഇന്ന് ഈ സിനിമയ്ക്കു വേണ്ടി കയ്യടിക്കുന്ന ജനങ്ങള് സേതുരാമയ്യര്ക്കു വേണ്ടി കയ്യടിക്കുകയാണ്, മമ്മൂട്ടിക്ക് വേണ്ടി കയ്യടിക്കുകയാണ്.
ഒപ്പം എന്നെയും എസ്.എന്. സ്വാമിയെയും സ്നേഹിക്കുന്ന, ഞങ്ങളുടെ സൃഷ്ടിയില് ഞങ്ങളോടൊപ്പം നില്ക്കുന്ന ഒരുകൂട്ടം പ്രേക്ഷകരും കൂടിയാണ് കയ്യടിക്കുന്നത്.മുകേഷും സായികുമാറും തിരിച്ചെത്തി .2 മണിക്കൂർ 42 മിനിറ്റ് ദൈർഗ്യമാണ് ചിത്രത്തിന് ഉള്ളത് .ട്രൂത് ഗ്ലോബൽ ഫിലിംസാണ് ചിത്രത്തിന്റെ ഔട്ട് റൈറ്സ് സ്വന്തമാക്കിയിരിക്കുന്നത് .130നടുത്ത് ദിവസമെടുത്താണ് ചിത്രീകരണം പൂര്ത്തിയാക്കിയത്.ലോക സിനിമാ ചരിത്രത്തില് തന്നെ ആദ്യമായാണ് ഒരേ സംവിധായകനും തിരക്കഥാകൃത്തും നടനും ഒരു സിനിമയുടെ അഞ്ചാം ഭാഗത്തിനായി വര്ഷങ്ങൾക്ക് ശേഷം ഒന്നിക്കുന്നത്.
സേതുരാമയ്യർ സി ബി ഐ സീരിസിലെ അഞ്ചാമത്തെ ചിത്രത്തിലേക്ക് എത്തുമ്പോൾ പ്രശസ്തമായ ബിജിഎമ്മിൽ മാറ്റമുണ്ടാകുമെന്നും തിരക്കഥാകൃത്ത് എസ് എൻ സ്വാമി നേരത്തെ വെളിപ്പെടുത്തിയിരുന്നു.ആദ്യ നാല് ചിത്രങ്ങൾക്കും ഈണമൊരുക്കിയ ശ്യാം ഇപ്പോൾ അതിന് പറ്റിയ ഒരു അവസ്ഥയിൽ അല്ലാത്തതിനാൽ ജേക്സ് ബിജോയ് ആയിരിക്കും അഞ്ചാം ഭാഗത്തിനായി സംഗീതസംവിധാനം നിർവഹിക്കുന്നത്.
FACEBOOK POST