സിനിമാ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ബ്രഹ്മാണ്ഡചിത്രമാണ് പ്രിയദർശൻ സംവിധാനം ചെയ്യുന്ന ‘മരക്കാർ- അറബിക്കടലിന്റെ സിംഹം’. സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥ പറയുന്ന ചിത്രത്തിൽ കുഞ്ഞാലി മരക്കാര്‍ നാലാമനായി എത്തുന്നത് മോഹൻലാൽ ആണ്. മഞ്ജു വാര്യര്‍ നായികയാവുന്ന ചിത്രത്തില്‍ ആക്ഷന്‍ കിംഗ് അര്‍ജുന്‍, സുനില്‍ ഷെട്ടി, സിദ്ധിഖ്, പ്രഭു, ബാബുരാജ്, കീര്‍ത്തി സുരേഷ്, കല്യാണി പ്രിയദര്‍ശന്‍,പ്രണവ് മോഹന്‍ലാല്‍, കല്യാണി പ്രിയദർശൻ എന്നു തുടങ്ങി വൻതാരനിര തന്നെ അണിനിരക്കുന്നുണ്ട്.
ലോകവ്യാപകമായി 4100 സ്ക്രീനുകളിലാണ് മരക്കാർ റിലീസ് ചെയ്യുന്നത്. കേരളത്തിലെ 631 റിലീസ് സ്ക്രീനുകളിൽ 626 സ്ക്രീനുകളിലും മരക്കാർ തന്നെ നാളെ റിലീസ് ചെയ്യും.മോഹൻലാലിനെ നായകനാക്കി പ്രിയദർശൻ സംവിധാനം ചെയ്ത സിനിമ ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമിച്ചിരിക്കുന്നത്. തന്റെ ജീവിതത്തിലെ ഏറ്റവും ചിലവേറിയ സിനിമയാണ് ഇതെന്ന് പ്രിയദർശൻ പറഞ്ഞിരുന്നു. മൂണ്‍ ഷോട്ട് എന്റര്‍ടെയിന്‍മെന്റിന്റെ ബാനറില്‍ സന്തോഷ് ടി കുരുവിള, കോണ്‍ഫിഡന്റ് ഗ്രൂപ്പിന്റെ ബാനറില്‍ റോയ് സി ജെ എന്നിവരാണ് മരക്കാറിന്റെ സഹനിർമാതാക്കൾ. തിരുനാവുക്കരശ് ആണ് ക്യാമറ.
ഒട്ടു മിക്കവരും ലീവ് എടുത്താണ് ചിത്രം കാണുവാൻ പോകുന്നത്. അങ്ങനെ തൊഴിലാളികൾ മുഴുവൻ മരക്കാർ കാണുവാൻ ലീവ് ചോദിച്ചപ്പോൾ രണ്ടു ദിവസത്തേക്ക് കമ്പനിക്ക് അവധി പ്രഖ്യാപിച്ചിരിക്കുകയാണ് ചെന്നൈയിലുള്ള പി കെ ബിസിനസ് സൊല്യൂഷൻസ് എന്ന കമ്പനി. ഭൂരിഭാഗം തൊഴിലാളികളും ലീവ് ചോദിച്ചിരിക്കുന്ന സാഹചര്യത്തിൽ ഡിസംബർ 2,3 തീയതികളിലാണ് കമ്പനി അവധി പ്രഖ്യാപിച്ചിരിക്കുന്നത്. മലയാളം, തമിഴ്, തെലുങ്ക്, കന്നഡ എന്നിങ്ങനെ എല്ലാ പ്രോസസുകൾക്കും കമ്പനി അവധി പ്രഖ്യാപിച്ചിട്ടുണ്ട്.
PK Business Solutions,Chennai has officially declared a Holiday on 2nd & 3rd of December on account of Mohanlal's #Marakkar release.🥳🔥
— Mohanlal Theatre Updates (@MohanlalUpdate) December 1, 2021
Most of the employees had demanded leave & therefore leave has been granded for tomorrow and day after tomorrow..#MarakkarFromDec2 @Mohanlal pic.twitter.com/KFKFsRsf0j