മിസ് കേരള 2022 ൽ വിജയ കിരീടം ചൂടി ലിസ് ജയ്മോൻ ജേക്കബ്. കെ.സാംഭവി ഫസ്റ്റ് റണ്ണറപ്പായും നിമ്മി കെ.പോൾ സെക്കൻഡ് റണ്ണറപ്പായും തിരഞ്ഞെടുക്കപ്പെട്ടു.കേരളത്തിന്റെ അഴക് റാണിയാകാനെത്തിയ മത്സരാർഥികളെയെല്ലാം പിന്തള്ളിയാണ് ലിസ് ജയ്മോൻ മിസ് കേരള 2022 നേട്ടം സ്വന്തമാക്കിയത്.ഗുരുവായൂർ സ്വദേശിയായ ശംഭവിയാണ് റണ്ണർ അപ്പ്.24 യുവതികളാണ് അവസാനഘട്ട മത്സരത്തിൽ പങ്കെടുത്തത്. ഒന്നിലധികം റൗണ്ട് സ്ക്രീനിങ്ങുകൾക്കും ഓഡിഷനുകൾക്കും ശേഷമാണ് ഫൈനൽ മത്സരാർഥികളെ തിരഞ്ഞെടുത്തത്.
ഒന്നിലധികം റൗണ്ട് സ്ക്രീനിങ്ങുകള്ക്കും ഓഡിഷനുകള്ക്കും ശേഷം മാസങ്ങളോളം പ്രവര്ത്തിച്ചാണ് മിസ് കേരള ഫൈനലിസ്റ്റുകളെ തിരഞ്ഞെടുത്തത്. തിരഞ്ഞെടുക്കപ്പെട്ട 24 പേരെ ഫൈനലിന് മുമ്പ് 7 ദിവസം പരിശീലിപ്പിച്ചതിന് ശേഷമാണ് വേദിയിലെത്തിച്ചത്. നീതു ജയപ്രകാശാണ് ഔദ്യോഗിക മേക്കപ്പ് പാര്ട്ണര്. ഫാഷന് ഡിസൈനറായ ജിഷാദ് ഷംസുദ്ദീന് ആണ് ഫൈനലിസ്റ്റുകളെ അണിയിച്ചൊരുക്കിയത്.
മത്സരാര്ഥികള്ക്ക് മുന് മിസ് ഇന്ത്യ പ്രിയങ്ക ഷാ ഗ്രൂമിങ്ങും പരിശീലനവും ഫാഷന് കൊറിയോഗ്രാഫിയും നല്കി.സാരി റൗണ്ട് വിത്ത് ഇന്ട്രഡക്ഷന്, ഇന്ഡോ- വെസ്റ്റേണ് കോസ്റ്റ്യൂമില് ക്വസ്റ്റ്യന് റൗണ്ട്, ഗൗണ് വിത്ത് കോമണ് ക്വസ്റ്റ്യന് റൗണ്ട് എന്നിവയായിരുന്നു ഫൈനൽ റൗണ്ടുകള്. പ്രധാന ടൈറ്റില് കൂടാതെ, മത്സരത്തില് മിസ് ടാലന്റഡ്, മിസ് വോയ്സ്, മിസ് ബ്യൂട്ടിഫുള് ഹെയര്, മിസ് ബ്യൂട്ടിഫുള് ഐസ്, മിസ് കണ്ജെനിയാലിറ്റി, മിസ് ബ്യൂട്ടിഫുള് സ്മൈല്, മിസ് ഫിറ്റ്നസ്, മിസ് ബ്യൂട്ടിഫുള് സ്കിന്, മിസ് ഫോട്ടോജെനിക് എന്നിവരെയും തിരഞ്ഞെടുത്തു.