എസ്.എസ്.രാജമൗലി സംവിധാനം ചെയ്ത തെലുങ്കു ചിത്രം ആർആർആറിലെ നാട്ടു നാട്ടു ഗാനത്തിന് ഓസ്കർ പുരസ്കാരം.95 മത് ഓസ്കാർ വേദിയിലേക്ക് ചന്ദ്രബോസ് എഴുതി എം.എം.കീരവാണി ഈണമിട്ട ഗാനം ഗായകരായ രാഹുൽ സിപ്ലിഗുഞ്ജും കാലഭൈരവയും എത്തി.സിനിമയുടെ ഭാഗമായി സംവിധായകന് എസ്.എസ് രാജമൗലി, ജൂനിയര് എന്.ടി.ആര്, രാം ചരണ്, കാല ഭൈരവ, രാഹുല് സിപ്ലിഗഞ്ച് കൊറിയോഗ്രാഫര് പ്രേം രക്ഷിത് എന്നിവർ പുരസ്കാരം വേളയിൽ ഉണ്ടായിരുന്നു.
ഇതു രണ്ടാം തവണയാണ് ഇന്ത്യൻ ഗാനം തിരഞ്ഞെടുക്കപ്പെടുന്നത്. സ്ലംഡോഗ് മില്യനയർ ചിത്രത്തിൽ എ.ആർ. റഹ്മാൻ സംഗീതം പകർന്നു ലോകപ്രസിദ്ധമായ ‘ജയ് ഹോ’ ഗാനം 2009 ലെ ഓസ്കർ ചടങ്ങിൽ അവതരിപ്പിച്ചിരുന്നു.തെലുങ്കിനെ പുറമോ തമിഴ്, ഹിന്ദി, കന്നട, മലയാളം എന്നീ ഭാഷകളിലും വിദേശ ഭാഷകളിലും ചിത്രം പുറത്തിറങ്ങി.
രാം ചരണും ജൂനിയര് എന്.ടി.ആറുമാണ് ചിത്രത്തില് പ്രധാനവേഷങ്ങളില് എത്തുന്നത്. ഇതിന് പുറമേ ആലിയ ഭട്ടും അജയ് ദേവ്ഗണും ചിത്രത്തില് പ്രധാന വേഷങ്ങളിലെത്തുന്നുണ്ട്. ജൂനിയര് എന്.ടി.ആര്. കൊമരു ഭീം ആയും രാം ചരണ് അല്ലൂരി സീതരാമ രാജുവായിട്ടുമാണ് ചിത്രത്തില് എത്തുന്നത്. ചിത്രത്തില് സീത എന്ന കഥാപാത്രത്തിനെയാണ് ആലിയ അവതരിപ്പിക്കുന്നത്.
ഇവരെ കൂടാതെ ബോളിവുഡിലെയും ടോളിവുഡിലേയും പ്രമുഖ താരങ്ങളുംസിനിമയിൽ പ്രധാന വേഷങ്ങളെ അവതരിപ്പിക്കുന്നുണ്ട്.വി. വിജയേന്ദ്രപ്രസാദാണ് ചിത്രത്തിന്റെ തിരക്കഥ ഒരുക്കുന്നത്. ഡി.വി.വി. ദാനയ്യയാണ് ചിത്രത്തിന്റെ നിര്മ്മാതാവ്. കെ. കെ. സെന്തില്കുമാര് ഛായാഗ്രഹണം നിര്വഹിക്കുന്നു. സംഗീതം: എം.എം. കീരവാണി. പി.ആര്.ഒ. ആതിര ദില്ജിത്. ചരിത്രവും ഫിക്ഷനും കൂട്ടിചേര്ത്താണ് ചിത്രം ഒരുക്കിയത്