മലയാളികളുടെ പ്രിയനായികമാരിൽ ഒരാളാണ് സംവൃത സുനിൽ.2012 ലായിരുന്നു അഖിൽ രാജുമായുളള സംവൃതയുടെ വിവാഹം. 2015 ഫെബ്രുവരി 21 നായിരുന്നു മകൻ അഗസ്ത്യയുടെ ജനനം. വിവാഹശേഷം അഭിനയത്തിൽനിന്നും വിട്ടുനിന്ന സംവൃത 2019 ൽ ‘സത്യം പറഞ്ഞാ വിശ്വസിക്കുവോ’ എന്ന ചിത്രത്തിലൂടെ അഭിനയത്തിലേക്ക് മടങ്ങിയെത്തിയിരുന്നു. ബിജു മേനോന്റെ നായികയായിട്ടായിരുന്നു സംവൃതയുടെ മടങ്ങിവരവ്. മൂത്ത മകൻ അഗസ്ത്യയ്ക്ക് അനിയനായി മറ്റൊരു കുഞ്ഞ് കൂടി ജീവിതത്തിലേക്ക് എത്തിയ സന്തോഷം സംവൃത പങ്കുവച്ചത്.
ഇളയ കുഞ്ഞിൻറെ പിറന്നാളാഘോഷത്തിൻ്റെ ചിത്രങ്ങളും താരം അടുത്തിടെ പങ്കുവച്ചിരുന്നു.സോഷ്യൽ മീഡിയയിലൂടെ ഇടയ്ക്ക് വിശേഷങ്ങളുമായി എത്താറുണ്ട് താരം. അതെല്ലാം തന്നെ പ്രേക്ഷകരർ ഏറ്റെടുക്കാറുമുണ്ട്.ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയിലാണ് സംവൃത ഇപ്പോൾ.താരം നാട്ടിൽ വന്നപ്പോൾ സുഹൃത്തുക്കൾ ആയ ഇന്ദ്രജിത്തിനെയും പൂർണിമയെയും കണ്ട സന്തോഷം പങ്കുവെച്ചിരുന്നു.
ഇപ്പോഴിതാ ഭർത്താവുമായുള്ള സന്തോഷ നിമിഷത്തിന്റെ ചിത്രം പങ്കുവെക്കുകയാണ് താരം.‘ഭര്‍ത്താവിന്റെ കൂടെയൊരു കോഫി ഡേറ്റ്, അതും അദ്ദേഹത്തിന്റെ ഷര്‍ട്ട്‌ അണിഞ്ഞുകൊണ്ട്’ എന്ന കുറിപ്പോടെ പോസ്റ്റ് ചെയ്ത ചിത്രം ആരാധകര്‍ ഏറ്റെടുത്തിരിക്കുകയാണ്.വളരെയധിക ക്യൂട്ട് ആയിട്ടാണ് താരം വിഡിയോയിൽ.
