വാഹനാപകടത്തില് പരുക്കേറ്റ് ചികിത്സയിലായിരുന് ബിനു ആശുപത്രി വിട്ടു. യാതൊരു കുഴപ്പവുമില്ലെന്ന് ബിനു അടിമാലി മാധ്യമപ്രവര്ത്തകരോട് പറഞ്ഞു. മിമിക്രി കലാകാരന് കൊല്ലം സുധിയുടെ മരണത്തിനിടയാക്കിയ വാഹനാപകടത്തിൽ പരുക്കേറ്റ് ചികിത്സയിലായിരുന്നു ബിനു അടിമാലി. ബിനുവിന് മുഖത്തു പരിക്കുകൾ ഉണ്ടായിരുന്നു. ഇതേതുടർന്ന് സർജറി കഴിഞ്ഞിരുന്നു.‘‘എല്ലാവരും നന്നായി സപ്പോര്ട്ട് ചെയ്തു, എനിക്ക് വേണ്ടി പ്രാര്ഥിച്ചു. കുഴപ്പങ്ങളൊന്നുമില്ല. ഞാന് ഇപ്പോള് നടന്നല്ലേ കാറില് കയറിയത്,’’ എന്നായിരുന്നു ബിനു അടിമാലി പ്രതികരിച്ചത്.
എത്രയും പെട്ടെന്ന് തന്നെ അദ്ദേഹം പൂര്ണ ആരോഗ്യവാനായി തിരിച്ച്വരട്ടെയെന്നാണ് ആരാധകർ ആശംസിക്കുന്നത്.തിങ്കളാഴ്ച പുലർച്ചെ നാലരയോടെ കയ്പമംഗലം പനമ്പിക്കുന്നിലായിരുന്നു അപകടം. വടകരയിൽ നിന്നും പ്രോഗ്രാം കഴിഞ്ഞ് മടങ്ങിയ സംഘം സഞ്ചരിച്ചിരുന്ന കാർ എതിരെ വന്ന പിക്കപ്പുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ കൊല്ലം സുധിയെ കൊടുങ്ങല്ലൂർ എ ആർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല.
ഉല്ലാസ് അരൂര് ആണ് സുധി സഞ്ചരിച്ച വാഹനം ഓടിച്ചിരുന്നത്.കൊച്ചി അമൃത ആശുപത്രിയിൽ ചികിത്സയിൽ കഴിയുന്ന മഹേഷ് കുഞ്ഞുമോൻ ശസ്ത്രക്രിയയ്ക്ക് ശേഷം സുഖം പ്രാപിച്ചു വരുന്നു. ബിനു അടിമാലിയൊപ്പം ഉല്ലാസ് അരൂരും മെഡിക്കൽ ട്രസ്റ്റ് ആശുപത്രിയിലാണ് ചികിത്സയിൽ കഴിഞ്ഞിരുന്നത്.