പ്രശസ്ത പിന്നണി ഗായിക വാണി ജയറാം അ ന്തരിച്ചു. 77 വയസ്സായിരുന്നു.ചെന്നൈയിലെ വസതിയില്, നെറ്റിയില് ഒരു പൊട്ടലോടെ മ രിച്ച നിലയില് കണ്ടെത്തുകയായിരുന്നു.തമിഴ്, തെലുഗു, കന്നട, മലയാളം, മറാത്തി, ഹിന്ദി എന്നീ ഭാഷകളിലായി നൂറുകണക്കിന് ഗാനങ്ങൾ വാണി ജയറാം ആലപിച്ചിട്ടുണ്ട്. മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ നേടിയിട്ടുണ്ട്. തമിഴ്നാട്ടിലെ വെല്ലൂരിൽ 1945-ലായിരുന്നു ജനനം. കലൈവാണി എന്നായിരുന്നു യഥാർത്ഥ പേര്.കഴിഞ്ഞയാഴ്ചയാണ് വാണി ജയറാമിനെ പത്മഭൂഷണ് നല്കി രാജ്യം ആദരിച്ചത്.
![](https://i.imgur.com/jfPd4ZL.jpg)
1971 ല് ‘ഗുഡ്ഡി’ എന്ന ചിത്രത്തിലെ ‘ബോലേ രേ പപ്പി’ എന്നു തുടങ്ങുന്ന ഗാനത്തിലൂടെ വാണി ജയറാം പ്രശസ്തയായി. വസന്ത് ദേശായിയുടേതായിരുന്നു ആ ഗാനത്തിന്റെ സംഗീതം.ഭര്ത്താവിന്റെ മ രണശേഷം മൂന്നു വര്ഷമായി ഒറ്റയ്ക്കായിരുന്നു വാണിയുടെ താമസം. രാവിലെ 11 മണിയോടെ വീട്ടുജോലിക്കാരി എത്തി വിളിച്ചപ്പോള് വാതില് തുറക്കാതിരുന്നതിനെ തുടര്ന്ന് അവര് അയൽവാസികളെയും ബന്ധുക്കളെയും വിവരം അറിയിച്ചു വരുത്തുകയായിരുന്നു.ബന്ധുക്കള് എത്തി വിളിച്ചിട്ടും വാതില് തുറക്കാതിരുന്നതിനെ തുടര്ന്ന് പൊലീസില് വിവരം അറിയിച്ചു.
![](https://i.imgur.com/ROYBiz4.jpg)
പൊലീസ് എത്തി വാതില് തകര്ത്ത് വീടിനുള്ളില് കടന്നപ്പോള് വാണി ജയറാമിനെ നിലത്തുവീണ നിലയില് കണ്ടെത്തുകയായിരുന്നു. നെറ്റിയിൽ മുറിവുണ്ടായിരുന്നു. കട്ടിലിനു സമീപത്തു കിടന്ന ടീപ്പോയയില് തലയിടിച്ചു വീണതാകാമെന്നാണ് പൊലീസിന്റെ പ്രാഥമിക നിഗമനം. ആശുപത്രിയില് എത്തിച്ചപ്പോഴേക്കും മ രണം സംഭവിച്ചിരുന്നുവെന്നാണ് റിപ്പോര്ട്ട്. പൊലീസ് അന്വേഷണം ആരംഭിച്ചിട്ടുണ്ട്.
![](https://i.imgur.com/VWuJK4E.jpg)